Ikerlariek dokumentuak (testudunak nahiz soinudunak) erreproduzitzeko aukera izango dute, baina betiere Jabetza Intelektualaren Legeak eta dokumentuak babesteko printzipioak adierazitako muga batzuk kontuan harturik. Jabetza publikokoak ez diren obrak, jabetza intelektualaren eskubideak dituztenak alegia, erreproduzitu ahal izango dira, baldin eta irabazteko asmorik gabe eta ikerketa-xedeekin bakarrik erreproduzitzen badira (1/1996 LEDko 37.1 art.). Artxibo honek ez du bere gain inolako erantzukizunik hartuko, egindako erreprodukzioak legeak babesturiko egile-eskubideen kontra erabiltzen badira.
Eskabideak bideratu ahal izateko eskaera-orria bete eta dagokion ordainketa egin behar da.
ERESBILen dagoen edozein dokumentu (testua, argazkia nahiz soinua duena) erreproduzitu eta beste nonbait argitaratu nahi izanez gero, horren jatorria argi aipatu beharko da, eta nolanahi ere, erreprodukzioa artxibo honetan egin dela adierazi beharko da.

       Zerbitzu hau batez ere Euskal Herriko musika-liburutegientzat antolatu da, nahiz eta batzuetan maileguak beste liburutegi batzuei ere egin ahal izango zaizkien. Partikularrei ez zaie inoiz mailegurik egingo. Beren egoera dela-eta, mailegutik kanpo dauden obrak eskatzen direnean erreprodukzio bat bidaliko da, eta kasu horretan erreprodukzio hori ordaindu egin beharko da.
Eskaturiko dokumentu bakoitzeko inprimaki bat bete beharko da, eta maileguak hilabeteko epea izango du, jasotzen denetik hasita. Epe hori luzatzeko aukera izango da.

       ERESBILek Lege Gordailuaren arabera sailkatzen ditu bertara sartzen diren dokumentuak, eta dagozkien erregistroak Lakuako Eusko Jaurlaritzaren Liburutegira bidaltzen ditu. Era berean, liburutegien arteko lankidetza-programari jarraituz, katalogazio horiek Madrilgo Liburutegi Nazionalera bidaltzen ditu.
ERESBIL elkarlanean ari da hainbat erakunderekin Euskal Herriari dagozkion erregistroak Musika Baliabideen baseetan eta BIMEn (Espainiako Musika Bibliografia), eta RILMen (Répertoire International de Littérature Musicale) sar ditzaten.
Aldez aurretik eskatuta, katalogo bibliografikoak edo diskografikoak ere egiten dira.

A4, inprimaketa ordenagailu bidez, mikroformen fotokopiak 0,10 €
A3, txikitzea edo handitzea 0,15 €
A4, eskaner bidezko fotokopiak 0,30 €

CD-R, Kasetea, mini-diskoa: 9 €

       Zerrendak paperean jasotzeko, galdetu prezioa; eskaturiko zerrenda-motaren araberako prezioak.

(Merkataritza-erabileretarako galdetu prezioak eta baldintzak)